શ્રીઠાકોરજીને જગાવવાનું પદ
રચનાઃ આસકરણજી
(રાગઃ બિભાસ)
ઉઠો મેરે લાલ ગોપાલ લાડિલે રજની બિતી બિમલ ભયો ભોર,
ઘર ઘર દધિ મથત ગોપિકા દ્વિજ કરત વેદકો શોર (૧)
કરો લેઉ દધિ ઔર ઓદન મિશ્રી મેવા પરોસૂં ઔર,
‘આસકરણ’ પ્રભુ મોહન તુમ પર વારોં તનમન પ્રાણ અકોર (ર)
ભાવાર્થઃ
શ્રીયશોદાજી શય્યામંદિરમાં પોઢેલા પોતાના લાડીલા લાલને જાગવા માટે પ્રેમથી વિનંતી કરતાં ગાય છેઃ ‘હે મારા લાડીલા ગોપાલલાલ, આપ હવે જાગો. કારણ કે રાત્રિ વીતિ ગઇ છે, સુંદર સ્વચ્છ સવાર થયું છે, વ્રજના ઘેર ઘેર ગોપીઓ દહીં વલોવી રહી છે, વિદ્વાન બ્રાહ્મણો વેદમંત્રોચ્ચાર કરી રહ્યા છે. આવા સુંદર સુખદ સમયમાં તમે જાગીને કલેઉ કરો. આપના કલેવા માટે મેં સુંદર સામગ્રીઓ તૈયાર કરી છે. ગરમીના દિવસોમાં શીતળતા થાય તેવા દહીંભાત, મિશ્રી, સુંદર લીલા મેવા વગેરે હું તમને પીરસીશ.’ હું તમારા ઉપર મારું તન, મન અને પ્રાણ પૂરેપૂરાં (અકોર) ઓવારું છું.