(રાગઃ સારંગ)
શ્રીમદ્ વલ્લભ રૂપ સુરંગે,
નખ સિખ પ્રતિ ભાવન કે ભૂષણ,
વૃંદાવન-સંપત્તિ અંગ અંગે. (૧)
ચટક-મટક ગિરિધર જુકી નાંઈ,
એન મેન વ્રજરાજ ઉછંગે.
‘પદ્મનાભ’ દેખે બની આવે,
સુધ રહી રાસરસાલભ્રૂભંગે. (૨)
ભાવાર્થઃ
શ્રીપદ્મનાભદાસજીને મધ્યાહ્ન સમયે શ્રીવલ્લભના અલૌકિક સ્વરૂપનાં દર્શન થાય છે.
મેઘશ્યામ શ્રીવલ્લભ અનુરાગના રક્તરંગથી-લીલારસરંગથી ગુલાબી કમળની કાંતિ જેવો શોભે છે. આપે નખથી શિખા પર્યંત ભાવ રૂપી અણમોલ આભૂષણ ધારણ કર્યાં છે. રાસાદિક અનેક લીલા રૂપી વૃંદાવનની સંપત્તિ આપના પ્રત્યેક અંગમાં વિલસે છે.
પ્રભુએ સાત દિવસ ગિરિરાજ ધારણ કર્યો, ત્યારે પોતાની ચટકમટક દ્વારા વ્રજભક્તોને સ્વરૂપાનંદનું દાન કર્યું હતું; તેવી જ ચટકમટક શ્રીવલ્લભની પણ છે. આવા શ્રીવલ્લભની ગોદમાં સાક્ષાત શ્રીવ્રજરાજ બિરાજે છે.
આવા અલૌકિક શ્રીવલ્લભના સ્વરૂપનું વર્ણન શબ્દોથી થાય તેવું નથી. તે તો દર્શનથી જ અનુભવાય, કારણ તેમની રસીલી ભ્રૂભંગના દર્શને જ રાસલીલાનું સ્મરણ થઈ આવે છે.